數碼講——在港科技創業?

早前有報道指,Google最近收購了一家由香港人在本港創辦的手機軟件公司Divide。該軟件實現一鍵切換手機的娛樂與工作模式,避免員工同時帶兩部機,便於企業保護商業資料。

      雖然9.4億元的收購額,未令這宗收購受到太大關注,但由於其「香港製造」性質,對本港創業家及軟件開發商而言,不失為一件好消息。

      香港的科技創業環境如何?近年來手機App開發成本降低,媒體報道不缺開發手機App賺到天文數字的成功創業故事,令人感受到科技業和創業風氣與日俱增。

      但與此同時,成本高、市場小、難獲天使投資等困境,令人質疑香港是否適合科技創業。

      香港市場是否太小?的確,對於單靠線上平台盈利的商業模式,需要大量的用戶。但對於餐飲、健身、電影等網上營銷帶動線下消費的行業而言,香港市場人口基數雖較內地少,但消費習慣、觀念等均更為相似,反而可避免內地不同地域文化不同等因素的影響。

      以電影為例,提供放映資訊的手機App容易凝聚全港的用家,成為發行商、院線及商場等與消費者的連接。透過提供即時資訊、優惠、網上售票等服務,有效將App用家轉換為零售商店的客戶,有效帶動商場、食肆等消費。

      本港主流媒體不多,只須獲得主要的傳媒報道,便較易成為「全城熱話」,這對於默默無聞的創業者而言是很低的門檻,而難獲投資、成本高等問題可後文再探討。

      MTel行政總裁    黃明威

 

 

本文來源:頭條日報

http://hd.stheadline.com/news/columns/381/20141103/306094/

香港創業之都

梁振英要搞創新科技局,過最後一關,誓要財委會通過撥款,IT科技界人士利益所在,自然贊成,包括電腦賓架M在內。有咗一個面向「科技」(主要係IT電腦)嘅政府部門,業內人士唔多唔少,點都會得益分到餅仔嘅,唔贊成先至奇,道理與一啲醫生堅決拒絕劍橋牛津醫科畢業生,免考試回港行醫一樣,雖則佢地嘅老師可能與李國章一樣,係劍橋醫學院產品。
其實政府如要推動科技,商務及經濟發展局屬下已有部門可推動,做乜要成立一個新局?電子工業界陳其鑣博士在電視台論壇大力反對成立創科局,講得好實在,冇人可以駁到佢,講完。
喬布斯搞蘋果電腦,史丹福畢業生創辦Yahoo、Google,哈佛退學生朱克伯格辦Facebook,何來美國創科局支持幫忙?新加坡政府就大力支持鼓勵創新科技啦,至今有乜驚世成就?
其實香港可以成為亞洲創業之都,唔駛政府主動幫手。電腦賓架M講及之OS Vehicle由意大利青年創辦,當中有一位係華僑子弟,賓架M曾與佢地傾偈,問佢地點解由意大利走嚟香港創業?咦,答案熟口熟面到連香港人自己都唔記得咯,就係:香港稅率低,開公司容易到極,政府少管制,鄰近亞洲富裕國家,交通通訊極發達,出入境自由,本港有不少歐洲人……仲有,訂貨可以上深圳東莞,交貨快捷妥當,就係咁,佢地在亞洲稍作研究,就好快決定香港係最佳創業城市。
呢間公司嘅營業模式聽講係:你要歐美新車咩?要等好耐呀?排隊一兩年先至有車呀,唔駛等嘞,上網訂車,所有汽車零件(包括車身),有珠三角汽車零件廠預製組件,打包送到你嘅指定地點,自己去好似砌宜家傢俬咁,自己安裝一架新車出嚟。汽車工業當然唔會喜歡呢啲賣車模式,將來可能有對抗性行動,但意大利年青人夠想像力,夠膽做,又有集資支持(香港係亞洲私募基金/創投基金中心),咁咪去改變世界囉。得悉呢個故事後,左丁山好佩服,自己諗極都唔識諗嘅嘢,人地廿零歲仔已遠渡重洋,來港開公司試圖去「顛覆」汽車工業。做呢啲事如果申請甚麼「創科局」資金或技術支持,怕要等上年幾兩年,蚊都瞓啦!