startage

趙碩之鼓勵年輕人創業

趙碩之(Wylie)與河國榮昨日現身旺角出席活動,活動鼓勵年輕人由手作市集攤檔,進駐商場開舖。Wylie表示身邊好多年輕朋友都話想創業,但租金太貴,自己以前都有機會,可惜錯過了。

Wylie說:「我好鼓勵年輕人去嘗試,唔好怕蝕底,當攞個經驗都好。(近日忙咩?)月尾會拍一個將會在日本同馬來西亞播放的劇,劇中我都有打戲,呢輪我就做定功課,劇中我係一個再造人。(造型要性感?)睇需要,如果監製要求,我點會唔畀。」

至於曾有在西貢擺攤檔賣首飾的河國榮表示都有興趣再做手作,現在擺攤檔好難,競爭好大,別人整手作靚到你唔信,不過都要睇時間。提到他在新片《死開啲啦》大過戲癮而且外間口碑反應好好,他說:「咁正的角色,都係只此一次,多謝監製林家棟同埋導演梁國斌畀機會,大家又點估到我可以着住底褲周圍走。」

 

本文來源:香港文匯報訊

http://paper.wenweipo.com/2015/10/12/EN1510120033.htm